ഇളംകാറ്റിലെ തേങ്ങാക്കുലകള്‍

കുഴിരോദനം (കേരളജനതയോട് നാടെങ്ങുമുള്ള കുഴികള്‍ക്ക് പറയാനുള്ളത്)   പ്രിയമുള്ളവരേ,  വീണ്ടുമൊരു മഴക്കാലം!   ഭരണം മാറി.  കേരളം ഇനി അതിവേഗം,  ബഹുദൂരം മാറുമെന്നാണ്  കാലാവസ്ഥാപ്രവചനം. ഓര്‍മ്മയുണ്ടോ കഴിഞ്ഞ മഴക്കാലം? ഓര്‍മ്മയുണ്ടോ ഞങ്ങളെ?  ഓര്‍മ കാണില്ല, എങ്ങനെ ഓര്‍മ കാണും? ഭരണം മാറിയില്ലേ? ഭരണം നിശ്ചയമായും മാറി.  കഴിഞ്ഞ മഴക്കാലം! എന്തൊക്കെയായിരുന്നു!!! കേരളസംസ്ഥാനത്തുള്ള കുഴികളത്രയും സര്‍ക്കാരിന്‍റെ കണക്കിലുണ്ടായിരുന്നു.  ആടിയുലഞ്ഞു പോകുന്ന ആനവണ്ടികളുടെ പുറകെ നടന്നായിരുന്നു കണക്കെടുപ്പ്! വീണ്ടുമൊരു മഴക്കാലം!   ഭരണം മാറി.  പഴയ കര്‍മോത്സുകതയൊന്നും ആര്‍ക്കും  ഇല്ലെന്നു തോന്നുന്നു.  ഞങ്ങള്‍ അവഗണിക്കപ്പെടുന്നു. സംവരണം ഇല്ലാത്ത ഒരു ഭൂരിപക്ഷമാണ് ഞങ്ങള്‍, എന്നിട്ടും ആര്‍ക്കും വേണ്ട!  വീണ്ടുമൊരു മഴക്കാലം...  ഞങ്ങളുടെ അംഗബലം  കാണിക്കാനുള്ള സമയമായി!  വിപ്ലവം ജയിക്കട്ടെ!  PS : എല്ലാരും അപ്പം തിന്നുന്ന തിരക്കിലാ,         ആര്‍ക്കു വേണം കുഴി!